當你向朋友們宣告減肥以杜絕他們的美食引誘, 必定的反應有：
1。痴線！ 你邊使減！咁瘦！邊度仲有得減！
2。吓！你用乜嘢方法減？快D教我！
3。不回應，但每次食飯都會扮不經意的對你說：你乜都無食， 食得咁少！
4。女人應該學會愛自己的身體。人總會老，總會肥。。。（下刪一千字）
和朋友說減肥很少很少得到應有的支持。對女朋友說自己減肥就等於宣戰，對男朋友說減肥等於矯情，等於成為乜都唔食的麻煩友。女朋友會立即問你「你點減呀？」，而你答「食少D同做運動」之後，你會得到一個厭惡的眼神，好似你玩佢，特登有秘密唔話佢知咁。就呢個時候，我就會分享一兩個「每日一分鐘」就減到肥的TIPS，佢地就會如獲至寶，放過我。問得呢D問題的人係唔會有恒心做任何嘢的，所以唔使擔心我D TIPS唔WORK之後會怪我。十個人十個都唔會有恒心做多過一星期。十個人十個都係唔會忍到口唔食JUNK FOOD。
呢個係我最常分享的TIPS：縮肚。
縮肚的神奇之處係只要你肯做，一個星期必定見效。必定。
做法係任何時間，任何地方，只要你有意識的時候盡量縮肚子。不用縮到不能呼吸那程度，只要用力縮起，比不常少一兩寸腰圍即可。起初的時候可以用腰帶輔助。用腰帶，調較到比正常鬆一點，然後一縮肚子腰帶便會下跌，那就是對的縮肚。一直維持，直到自己習慣這種動作， 很快的，一個星期內你的肚腩便縮小了。
原理是你縮肚的時候是在刺激腹肌，久而久之肚腩便不會下墜了。
不能做運動或沒時間做運動的朋友可以一試。
（當然，最最最重要的還是介口不吃高脂高糖的零食。減肥要減食，千古不變的定律）
沒有留言:
張貼留言